Wararka ka imanaya degmada Balcad ee gobolka Sh/dhexe ayaa sheegaya in 2 qarax oo xoog leh oo ka dhacay goor dhow ay geysteen waxyeelo isugu jirta dhimasho iyo dhaawac.
Labadan qarax ayaa la sheegay inay ka dhaceen bar koontarool oo ku taal dhinaca Galbeed ee magaalada Balcad iyadoo ay ku dhinteen labo ruux halka inku dhow toban ruuxna ay ku dhaawacmeen.
Wararka ayaa waxa ay sheegayaan in qaraxa hore ay ku dhinteen labo wiil oo ka ag dhowaa barta kontarool,balse dad badan oo isugu jira ciidamo iyo dad rayid ah oo tegey goobta ayaa waxaa haleelay qarax kale oo goobta lagu sii diyaariyay.
Qaraxyadan ayaa u muuqda kuwo goobta lagu sii diyaariyay si ay ugeysteen qasaare xoog leh, Ma jiro wax war ah oo ka soo baxay maamulka degmada Balcad ee la xiriira qaraxan hase yeeshee waxaa wararku ay sheegayaan in uu socdo dadaalo lagu doonayo in lagu gargaaro dadka ay dhaawacyada soo gaareen.
