Afhayeenka xukuumadda soomaaliya Maxamed Ibraahim Macalimuu oo la hadlayay laanta afka Soomaaliga ah ee BBC-da ayaa ku tilmaamay xaalad abuur hadalka kasoo yeeray midowga musharaxiinta soomaaliyeed, kaasi oo lagu sheegay in inqilaab uu ku heysto dalka madaxweynaha Soomaaliya Maxamed Cabdullaahi Farmaaajo, mar haddii ay dhammaatay muddo xileedkiisa.
Macalimuu ayaa sheegay in xukuumadda soomaaliya ay waddo dedaallada lagu xalinayo khilaafka jira, islamarkaana la qaban doono doorasho lagu wada qanancsanyahay sida uu hadalka u dhigay.
Afhayeenka ayaa waxaa uu intaasi ku daray in aysan jirin cabsi ku aadan qabsoomi la’aanta doorashada dalka, loona baahanyahay in aan shacabka la qal qal gelin.
Maxamed Ibraahim Macalimuu ayaa shaaca ka qaaday in heshiiskii dooorasho ee 17ka September ay gaareen madaxda dowladda federaalka iyo kuwa maamul goboleedyada ka jira dalka, islamarkaana ay hagal daacin ku sameynayaan qaar kamid ah madaxweyneyaasha maamul gobaleedyada dalka ka jira.