Dowladda Somaliya ayaa Turkiga ka weydiisatay inuu u sameeyo warshad Oxygen-ka sameysa, xilligan adag ee dalka uu wajahayo laba kacleynta xanuunka COVID-19.
Wasaaradda Maaliyadda ayaa samaynta warshadaasi kala kaashanaysa Safiirka Turkiga ee dalka u fadhiya, Amb. Mehmet Yilmaz.
Sidoo kale Dowladda Somaliya ayaa Maamulada Jaamacadaha iyo Iskuulada ku wargelisay inay xiraan goobaha waxbarashada, muddo laba toddobaad ah.
Wasaaradaha Warfaafinta, Awqaafta & Diinta iyo Maamulka Gobolka Banaadir ayaa lagu wargeliyay inay dardargelinayaan dadaalada dadka looga wacyigelinayo faafitaanka xanuunka.
Dalabka ay Dowladda Somaliya u gudbisay Turkiga ayaa imaanaya, xilli xalay uu Oxygen la’aan soo wajahay Isbitaalka Martini ee Magaalada Muqdisho, oo lagu daryeelo dadka uu soo rito COVID-19.
