Madaxweynaha dowlad Goboleedka Cabdicaiis Xasan Maxamed Lafta-gareen ayaa shir Guddoomiyey shirka Golaha Amniga Koonfur Galbeed oo Maanta lagu qabtay Magaalada Baydhabo ee Xarunta Gobolka Baay.
Kulanka Golaha amniga ayaa waxaa looga hadlay inta uu socday xaaladihii ugu dambeeyay ee dhinaca amniga, xoojinta xiriirka wadashaqeyn ee laamaha kala duwan iyo howlgalada ka dhan ah Al-shabaab ee ka socda deegaanada Maamulka.
Madaxweyne Cabdicaiis Lafta-gareen ayaa Warbixino kala duwan ka dhageystya Saraakiisha Ciidamada, iyagoona uga warbixiniyay howlgalo ay fuliyeen Ciidanka dowladda Federaalka iyo kuwa maamulka.
Madaxweynaha dowlad Goboleedka Koonfur Galbeed Cabdicasiis Xasan Maxamed Lafta-gareen ayaa Saraakiisha Laamaha amniga uga mahadceliyey dadaalka ay ugu jiraan ka hortega wax kasta oo keeni kara amni darro ka dhaca Magaalada Baydhabo.
Sidoo kale waxaa uu Madaxweynaha faray Saraakiisha ciidanka amniga qeybahooda kala duwan inay xoojiyaan sugida amniga deegaanada Maamulka Koonfur Galbeed inta lagu guda jiro Bisha barakeysan ee Ramadaan.
