Maxamed Cusmaan Maxamed Xasan, ayaa loo haystaa kamid ahaanshiyaha maleeshiyada Alshabaab oo uu kagabiiray Galgaduud, sanadkii 2013 iyo inuu u qaabilsanaa kooxda Faafinta fikirka Gurracan ee Argagixisada ayaa maanta lagu riday xukun.
Maxamed, ayaa maleeshiyada Al-shabaab ee kusugnaa Ceel Garas iyo Ceel Buur u fasir xumayn jiray Diinta Islaamka, dhagar qabahan ayaa qirtay in dhowr jeer uu yimid Muqdisho, waxauuna u sheegay Garsoorayaasha in xilligaasi uu la wadaagi jiray maleeshiyada dhaq-dhaqaaqyada Muqdisho iyo wararka la xiriira Gobalka ee ay baahiyahaan Idaacadda kuyaala Caasimadda.
Ugu danbeeyntii Maxkamadda Ciidamada ayaa ku xukuntay Sideed sano oo xabsi Ciidan ah, sida uu sheegay Gaashaanle Sare Xasan Cali Nuur Shuute guddoomiyaha Maxkamadda Darajada Koowaad ee Ciidamada Qalabka Sida.
