Ra’iisul Wasaaraha Xukuumadda Federaalka Soomaaliya ee xilgaarsiinta Maxamed Xuseen Rooble ayaa goor dhow magacaabay Agaasimeayaal cusub oo kamid noqonaya shaqaalaha laba Wasaarad.
Wareegto uu soo saaray Ra’iisul Wasaare Rooble ayaa waxaa xilka Agaasimaha Guud ee Wasaaradda Gaashaandhigga Xukuumadda loogu magacaabay inuu noqdo Xasan Maxamed Saciid Samatar.
Sidoo kale Ra’iisul Wasaaraha ayaa Agaasimaha Guud ee Wasaaradda Caafimaadka & Daryeelka Bulshada u magacaabay Cabdinaasir Mukhtaar Ibraahim, waxaana labada Agaasime cusub ay bedelayaa Agaasimeyaashii hore ee xilalkaas haayay.
Magacaabista ayaa kusoo aadeysa, iyada oo shalay Rooble soo saaray Warqad uu Golihiisa Wasiirada iyo hey’adaha kala duwan ee dowladda uga joojiyay magaaacista xilalka iyo inay gaaran go’aan uusan ogeyn Xafiiska Ra’iisul Wasaaraha.
Go’aankaas ayuu Rooble ku sheegay waxaa lagu sheegay in uu fududeynayo wadashaqeynta, isla-xisaabtanka laamaha amniga dowladda iyo in aan la qaadan go’aan saameyn siyaasadeed ku yeelan kara dalka, xiligaan lagu kala guurka.
