Wararka ka imanaya dalka Afghanistan ayaa sheegaya in Madaxweyne Ashraf Ghani oo ka baxay magaalada Kabul una duulay dalka Tajikistan.
Duulitaanka Ashraf Ghani ayaa timid kadib markii ay gudaha u galeen caasimada dagaalyahannada Daalibaan .
Sarkaal sare oo ka tirsan Wasaaradda Arrimaha Gudaha Afghanistan ayaa sheegay in Ghani uu aaday Tajikistan hase yeeshee xafiiska madaxweynaha ayaan wax faafaahin ka bixin sababo la xiriira ammaanka.
Wakiil ka tirsan Daalibaan ayaa sheegay in kooxdu ay hubinayso halka uu joogo Ghani.
Dagaalyahannada Daalibaan ayaa caasimadda ugaga imanayay dhan walba, sida uu sheegay sarkaal sare oo ka tirsan wasaaradda arrimaha gudaha Afghanistan.
kala soco jowhar.com wararkii ugu dambeeyay ee Afghansitan
