Wasiiro ka tirsan dowlad goboleedka koonfur galbeed, xildhibaano, agaasimiyaal, maamulka Degmada Baydhabo, qaar kamid ah maamuliyaasha degmooyinka gobolka baay, gudoomiyaasha xaafadaha Magaalada Baydhabo, odiyaasha dhaqanka, dhalinyaro iyo ururada haweenka Degmada Baydhabo ayaa ka soo qeyb galey xil la wareegidda gudoomiyaha cusub ee maamulka gobolka baay Cabdifitaax Maxamed Ibraahim ‘Paina’
Dhamaan masuulintii xafladda khudbadda ka jeediyey ayaa waxey ka hadleen wax qabadkii gudoomiyihii hore ee gobolka baay Cumar Cali Isaaq ” Cumar Balash” iyagoo sheegey in siyaasadisa ay aheyd mid ku saleysan horumarinta Degmooyinka iyo la xisaatanka hay’adaha ka shaqeeya gobolka baay.
Wasiirka warfaafinta kg Ilyaas Cali Nuur ayaa kamid ahaa masuulintii xafladda ka hadashey.
Wasiirka caddaaladda iyo garsoorka kg Sheekh Xasan Ibraahim Lugbuur ayaa dar-daaran u jeediyey maamulka cusub, asigoona sheegey in loo baahan yahay in uu wax ka qabto arimaha barkacyaasha gobolka baay.
Gudoomiyihii hore ee gobolka baay Cumar Cali Isaaq ” Cumar Balash” ayaa sheegey in maamulka cusub uu hor yaalo shaqo culus intaasi kadib ayuu balan qaadey in uu maamulka cusub tallo iyo wixii tusaalo ah la garab istaagi doono.
Gudoomiyaha xilka la wareegey Cabdifitaax Maxamed Ibraahim ayaa sheegey in maamulkiisa hoos uu ka soo bilaawi doono shaqooyinka looga baahan yahay asigoona sheegey in xafiiskiisa uu yahay mid albaabada ay u furan yihiin.
1 comment
waa gudoomiye daacad ah oo waliba shaqadiisa hormuud u ah gadoomiyaasha kale si’ee naftooda u hormariyaan ayee bulshada dhuulka ugu jiidaan balse gadoomiyahan mudane cfitah mxmed ibrhim piano si’uu bulshada nftooda wax ugu taro ayuu naftiisa ujari karaa 3bilood ayuu wax qabadkiiisa lagu arkay aniga waxaan dhihi lahaa gadoomiye sidaan camal ah allaha ino.keeno magaalada moqdisho.inzha allh