Baydhabo-{WMN}- Madaxweynaha Dowlada goboledka Puntland Siciid Deni ayaa maamulka cusub ee Degmada Eyl ugu baaqay in uu ka shaqeeyo Dalxiiska & Waxsoosaarka oo ah labada meel ee dhaqaalaha ugu badan kasoo gala Dadka Magaaladaas.
Waxa uu dul istaagay Madaxweynaha Puntland Siciid Cabdullaahi Deni in Dadka Eyl lagu garab istaago ka faaiideysiga fursadaha ugu badan ee ay haystaan gaar ahaan Kalluumaysiga si ay ula soo baxaan Khayraatka Badda.
Saciid Deni waxa uu tilmaamay in Dadka Eyl ay doortaan Maamulkii metali lahaa sidii uu wax uga qaban lahaa dhibaatooyinka nololeed ee Degmadaas ka jira & helista Adeegyada ay u baahan yihiin in ay helaan.
,Madaxweynaha Dowlada goboledka Puntland ayaa soo jeediyay in dhammaan Degmooyinka Deegaannada Dowlad-Goboleedkaas laga hirgelin doonno Doorasho Shacabka uu ku dooran karo maamulladooda.
Siciid Deni ayaa sheegay in si Dadka loogu dhaweeyo Maamulka in la hirgelinayo Doorashada Golaha Deegaanka si Golahaas uu isaga sii dhex doorto Guddoomiyaha Degmada & ku xigeennadiisa.
