Madaxweynaha maamulka Puntland Saciid Cabdullaahi Deni, ayaa maanta qaabilay Safiirka Dowladda Ingiriiska ee Soomaaliya Ambassador Charles King iyo wafdi uu hoggaaminayo.
Kulanka oo ay ka qeybgaleen xubno ka mid ah Golaha Xukuumadda, waxaa looga hadlay xaaladda guud ee Soomaaliya gaar ahaan dhinacyada Amniga, Siyaasada iyo horumarinta, arrimaha Puntland waxaa si gaar ah looga hadlay Hawlgalka Ciribtirka Argagixisada Daacish ee ka socda Calmiskaad iyo xasilinta deegannada laga saaray argagixisada.
Wafdiga ka socda Dowladda Ingiriiska ayaa kulan- doceed la qaatay Xubno ka mid ah Golaha Xukuumadda, Saraakiisha Amniga iyo La-taliyeyaal Madaxweyne .
