Guddoomiyaha Baarlamaanka Dalka Iiraan, Mohammad Bagher Ghalibaf oo Warbaahinta la hadlay ayaa sheegay in Dalkiisa uu ka aarsan doonno Maraykanka iyo Israa’iil oo si wadajir ah u beegsaday Hoggaamiyihii dalkaas ee Ayatollah Ali Khamenei.
Ghalibaf ayaa tilmaamay in Khamenei uu ahaa hoggaamiye geesi ah oo aan ka baqin difaaca Dalkiisa, waxa uu ku sheegay in uu shahiiday isaga oo daacad ah isla markaana ku socda dhabbaha toosan ee la dagaalanka Cadawga.
Waxa uu carrabka ku dhuftay in ay Iiraan ka gudubtay ku tiirsanaanta shaqsiyaadka sidaas awgeed aanay saamayn toos ah ku yeelan doonnin dagaallada iyo dejinta qorshaha beegsigii lagu bartilmaameedsaday Hoggaamiyihii Dalkaas.
“Iiraan waxa ay horay uga gudubtay qorshe dagaal oo hal qof ku xiran sidaas awgeed waan ka aarsan doonnaa cadawga nasoo weeraray, Maraykanka & Yuhuudda dhulka ayaa la jari doonnaa” Ayuu yiri Guddoomiyaha Baarlamaanka Iiraan, Mohammad Bagher Ghalibaf.
Iiraan ayaa isku dhinac wada tacsida hoggaamiyahoodii iyo beegsiga Danaha Maraykanka ee Bariga Dhexe si ay khasaara xooggan u gaarsiiso Saldhigyada Xukuumadda Washington ay ku leedahay Waddamada Khaliijka Carabta.
