Baydhabo Somaliya-{WMN}-Gudigagan dhowaan Madaxweynaha Koonfur Galbeed Cabdiasiis Xasan Maxamed Laftagareen uu u xil saarey baaritaanka dilalkii Baydhabo ka dhacay sagaalkii bishan ayaa maanta shir jaraa,id uu ku qabtay Magaalada Baydhabo waxay kusoo bandhigeen hordhaca baaritaanka ay kisaskaas ka sameeyeen.
Goobta baaritaanka hor dhaca ah gudigga ay ku shaacinayeen waxaa goob jog ka ahaa Wasiirada,Garsoorka iyo cadaalada,Dastuurka,Arimaha Gudaha,Amniga,Gudoomiyaasha Degmada,Gobalka Bay iyo Taliyasha ciidamada qeybta 60naad iyo Kan Booliiska Koonfur Galbeed,waana xubnaha baaritanka dilalkii dhowaan dhacey Madaxweynaha u xil saarey.
Wasiirka Wasaarada Garsoorka iyo Cadaalada Maxamed Xuseen Xasan oo shirka jaraa,id ka Hadley ayaa sheegey in dhowr ruux oo loo soo qabtay dilalkaas xabsiga ku jiraan,islamarkaana dhowaan ay soo gaba gabeynayaan baaritaanka.
Sidoo kale Gudigga ayaa waxaa ay sheegeen in qofkii fal danbiyeed ka geysta Magaalada Baydhabo sharciga ma marsiinayo oo sinna loo difaaci karin.
Ku dhowaad sided ruux ayaa Baydhabo siyaabo kala duwan loogu diley sagaalkii bishan,waxaana ka mid ah shakhsiyaadka la diley Cali Marguus oo ahaa ganacsada Koonfur Galbeed.
