Baydhabo Soomaaliya-{WMN}-Kulankan wadatashiga ah manta lagu qabtay Magaalada Baydhabo islamarkaana lagaga hadlayay Qabyo qoraalk siyaasada iyo Xeerka qaran ee deegaanka,waxaa ka qeyb galey Madax ka socodey Dowlada Fadaraalka Soomaaliya iyo Wasiirka Wasaarada Deegaanka iyo duurjoogta,Wasiir ku xigeenka Wasaaradaas,Agaasimaha Guud iyo khubaro ku takhasusey arimaha Deegaanka.
Agaasimaha Guud ee Wasaarada Deegaanka iyo Duurjoogta Dowlad gobaleedka Koonfur Galbeed Isxaaq Maxamuud Mursal ayaa marka hore ka Hadley shirkan iyo muhiimada Koonfur Galbeed u leeyahay.
Axmed Yuusuf Axmed oo ah Agaasimaha deegaanka ee Xafiiska Ray,iisul Wasaaraha Soomaaliya oo kulanka goob jog ka ahaa ayaa sheegey in Dowlada Soomaaliya markii ay aragtay inuu jiro gab weyn oo deegaanka ah go,aansatey in laga shaqeeyo siyaasada deeganka dalka iyo shuruucdeeda si xaalufka jira wax loogu qabto.
Wasiirka Wasaarada Deegaanka iyo duurjoogta Koonfur Galbeed Cali Isxaaq oo shirkan wadatashiga ka furey Baydhabo ayaa sheegey in muhiim ay tahay in la helo sharuuc dhamaystiran oo deegaanka lagu ilaalinayo.
Waa markii Labaad oo shir arimaha Deegaanka looga hadlayo uu ka dhaco gudaha dalka iyadoo kii kan ka horeeyeyna lagu qabtay Maamulka Puntland.
