Waajid(WMN)_Madaxweynaha KG oo shaley soo gaarey degmada Waajid ee gobolka Bakool ayaa maanta isaga iyo wafdigiisa degmada Waajid ka hergaliyeen Mashaariic Hormarineed Sida
Dhalinyarada,Waxbarashada, Caafimaadka, Garsoorka Iyo Amniga.
Madaxweyne Cabdicasiis Laftagareen oo shaley tagey garoonka kubada cagta halkaas oo dhalinyarada kaga codsadeen in loo dhiso garoonka kubada cagta degmada Waajid, ayaa maanta dhagax-dhigey garoonka oo la dhisi doono.
Madaxweyne Cabdicasiis Xasan Maxamed Laftagareen ayaa booqasho ku tagey dugsiga hoose iyo dhexe ee degmada Waajid halkaas oo faahfaahin xaalada waxbarasho ka dhageystey maamulka iyo macalimiinta dugsiga Waajid
Madaxweynaha Dowlada KGS ayaa maanta xariqa ka jarey xaruunta caafimaadka degmada Waajid, MCH-kaan oo kaafin doono baahiyaha caafimaad ee degmada ayaa waxaa furitaanka kula wehliyey Wasiir kuxigeenka Caafimaadka DGKGS.
Madaxweynaha oo uu wehliyo wasiirka Cadaalada iyo Garsoorka DGKGS ayaa booqdeen xaruunta maxkamada degmada Waajid, waxaana faahfaahin ku saabsan xaalada Garsoor ee degmada ka dhageysteen gadoomiyaha maxkamada degmada Waajid Sheikh Hassan.
Madaxweynaha oo booqashadiisa sii wata ayaa dhagax-dhig ku sameeyey station-ka degmada Waajid oo burbur badan ka jiro, wasiirka Amniga iyo gadoomiyaha degmada ayaa kula wehliyey dhagax-dhiga xaruunta xabsiga degmada.
Madaxweynaha marka uu soo dhameystey booqashooyinka iyo dhagax-dhigyada ayaa kulamo kala duwan la qaatey odoyaasha dhaqanka, Hay’adaha ka howl-gala Waajid iyo ururada Bulshada.
