Dagaal sababay dhimasho iyo dhaawac ayaa waxaa uu ka dhacay degmada Buurdhuubo ee gobolka Gedo.
Dagaalka ayaa ka dambeeyay kadib markii Al-Shabaab ay weerar culus ku qaadeen saldhig ay ciidamada xoogga ay ku leeyihiin degmada Buurdhuube, iyadoona dagaalka la Isku adeegsaday hubka noocyadiisa kala duwan,sida dad goobjoogayaal u sheegeen Warbaahinta Warsan News Baidao.
Ciidmada xoogga iyo Alshabaab ayaa la sheegay in khasaaro uu kasoo kala gaaray dagaalka,iyada oo saraakiisha ciidamadu ay sheegeen in ay iska difaaceen weerarka.
Guddoomiye kuxigeenka degmada Buurdhuubo ee Gobolka C/raxmaan Cabdullaali Cali ayaa sheegay inay ka warhayeen xogta weerarka ay Al-Shabaab ku qaadeen ,isla markaana ay iska difaaceen Ciidamada Dowladda iyo kuwa Itoobiya khasaarana ku gaarsiiyeen Al-Shabaab.
Dhanka kale Wararka ka imaanaya gobolka Jubbada Hoose ayaa sheegaya in dagaal culus uu ka dhacay duleedka Magaalada Kismaayo ee gobolkaasi.
Dagaalka ayaa waxaa uu u dhexeeyay dagaalamayaal ka tirsan Al-Shabaab, iyo ciidamo ka tirsan Maamulka Jubbaland.
Hub culus ayaa la sheegay in dhinacyada dagaalamay ay isku adeegsadeen, inkastoo ilaa iyo hada aan la soo warinayay khasaaraha rasmiga ah ee soo kala gaaray dhinacyada ku dagaalka ku dhexmaray duleedka magaalada Kismaayo.
Goobjoogayaal ayaa Warsan News u sheegay in dagaalka uu ka dhacay Aaga degaannada Buulo-Gaduud iyo Janaay Cabdalla ee duleedka Kismaayo ee Gobalka Jubbada Hoose.
Taliyaha Ciidamada Daraawiishta Jubbaland ee Aaga degaannada Buulo-Gaduud iyo Janaay Cabdalla ayaa sheegay in Al-Shabaab ay weeraradaas uga dileen laba ka tirsan Al-Shabaab,sidoo kalena ay kusoo furteen laba qoray oo AK47 ah.
