Mid kamid ah ganacsatada Soomaaliyeed ee ku nool dalka Koofur Afrika ayaa lagu diley gobolka Limpopo iyadoo aan la ogeyn sababta dhabta ah ee keentay dilkiisa.
Ganacsadaha la diley ayaa la oran jirey Maxamed Cali Kaariye waxaana lagu diley meel ku dhow goobta uu ganacsiga ku lahaa.
Dadkii ka dambeeyay dilka ganacsade Kaariye ayaa goobta ka baxsaday iyadoo xilli dambe ay gaareen goobtaas ciidamada booliska Koofur Afrika.
Dilalka loo geysto ganacsatada Soomaaliyeed ee ku nool dalka Koofur Afrika ayaa ah mid sii socda iyadoo sanadihii la soo dhaafay ay caadi ka noqotay dilka ganacsatada Soomaalida ah dalka Koofur Afrika.
