Wasiirka cusub ee Arrimaha Dibbada israil Yair Lapid ayaa booqasho ku tegey Imaaraadka Carabta isagoo si rasmi ah u furi doono safaaradda Israel ee Abu Dhabi iyo qunsuliyadda Dubai.
Wasiirka arrimaha dibedda ee cusub ee Israa’iil waxaa martigelin doona dhiggiisa Imaaraatka, Abdullah bin Zayed Al Nahyan. Labada diblomaasi ee ugu sareysa dalalka ayaa la filayaa inay ka wada hadlaan arrimo badan oo labada dal ku saabsan booqashada labada maalmood ah, oo ay ku jirto iskaashiga dhaqaalaha, ganacsiga iyo amniga.
Inta lagu guda jiro booqashada labada maalmood, Lapid ayaa la kulmi doona dhiggiisa Imaaraatka, Sheek Cabdullaahi Bin Sayid Al Nahyaan , wuxuuna daah furi doonaa safaaradda Israa’iil iyo qunsuliyadda oo ku kala yaalla magaalooyinka Abu Dhabi iyo Dubai.
Booqashadan waxay sidoo kale muhiim u tahay is waa dhexgalkii ugu horreeyay ee rasmi ah ee u dhaxeeya labada dhinac tan iyo dgaaalkii Israa’iil iyo Qaza ee bishii hore. Ugu yaraan 256 qof ayaa lagu dilay Qaza, sida laga soo xigta Qaramada Midoobay, halka 13 kalena lagu dilay gudaha Israa’iil.
Israel ayaa caadi ka dhigtay xiriirkii ay la lahayd Imaaraadka iyo Baxrayn iyadoo dowladdii ra’iisul wasaarihii hore ee Israa’iil Benjamin Netanyahu, oo 12-kii sano ee uu xukunka hayey ay dhammaatay horaantii bishaan.
