Howlgalka oo ahaa mid qorsheeysan ayay ciidanka Xoogga Dalka Soomaaliyeed ka sameeyeen degaano hoostaga degmooyinka Awdheegle, iyo Qoryeeleey ee gobolka Shabeellaha hoose.
Saraakiisha Ciidamada ayaa waxaa ay sheegeen in intii uu socday howlgalka ay la wareegeen goobo ay ku sugnaayeen Al-Shabaab, sida Maxkamad ay ku lahaayeen tuulooyinka Adiimoole iyo Degwariiri, oo ah inta u dhexeeyso degaanka tooratooroow iyo degmada Qoryooleey.
Sidoo kale saraakiishu waxaa ay sheegeen inay Ciidamada burburiyeen meelihii lagacagah kaga qaadi jireen Shacabka, sidoo kalena howlgallo laga sameeyay Tuulooyinka Daarusalaam iyo Mubaarak khasaaro lagu gaarsiiyay Al-Shabaab.
Ciidanka howlgalka fuliyay oo ahaa Ururka 4aad ee Kumaandooska DANAB ayaa waxaa la sheegay in ay gaareen, isla markaana Nolosha ku qabteen laba Sarkaal iyo Xubno katirsan Al-Shabaab sida ay Idaacadda Ciidamadda Qalabka Sida u sheegeen saraakiisha ciidanka kumaandooska xoogga dalka ee DANAB.
Taliyaha ururka 83-aad G/le Nuurdiin Macalin Xuseen ayaa Warbaahinta Ciidamadda Qalabka Sida u sheegay in dagaal ka dhacay degaannada howlgalka laga sameeyay lagu dilay 7 Xubnood oo ka tirsan Al-Shabaab, waxaana howlgalkaas fuliyay ururka 4-aad guutada 16-aad kumaandooska xoogga dalka ee danab iyo ururka 83-aad ee guutada 14-ka oktoobar xoogga dalka
