Madaxwaynaha dowlad Goboleedka Galmudug, Axmed Cabdi Kaariye, ayaa waxa uu xafiiskiisa ku qaabilay, wafdi ballaaran oo kasocday xafiiska Qaramada Midoobay, gaar ahaan hay’adda IOM.
Kulanka ayaa waxaa madaxwaynaha kuwehlinayay Wasiiru Dowlaha Madaxtooyada, Agaasimaha Guud ee Madaxtooyada, Wasiirka Wasaaradda Deegaanka, Isbadalka Cilimada iyo Hormarinta Reer Miyiga.
Madaxwaynaha iyo wafdiga ayaa kawada hadlay xaaladda abaaraha iyo saameenta ay ku yeesheen deegaanada Galmudug oo ay abaartu saameesay.
Booqashada wafdiga IMO ayaa salka kuhayay mashruuc ay kafulinayaan Galmudug, waxaana mashruucan uu yahay mid wax kaqabanaya arimaha deegaanka iyo biyo la’aanta soo foodsaartay dadka kunool miyiga deegaanada Galmudug.
Madaxwayne Axmed Cabdi Kaariye, ayaa soo dhaweeyay mashruucan, waxana Qaramada Midoobay uu ku booriyay laba jibaarista mashaariicda noocaan ah, kuwaas oo wax looga qabanayo abaarta lixaadka leh ee kudhufatay Soomaaliya, gaar ahaan deeganada Galmudug.
Kadib markii uu soo idlaaday kulanka Madaxwaynaha iyo saraakiisha kasocotay hay’dda IOM, waxaa wafdiga IOM oo ay wehlinayaan agaasimaga guud ee madaxtooyada Galmudug, Cismaan Macalin Xassan, Wasiirka Wasaaradda Tamarta iyo Kheyraadka Biyaha, Maxamed Cabdi Axmed Kaaryshe iyo Agaasimaha guud ee Wasaaradda deegaanka ay booqdeen madaxtooyada cusub ee Galmudug oo maraya heer gaba gaba ah, Wasaraadda Deegaanka, Isbadalka Cimilada iyo Hormarinta reer Miyiga, iyo sidoo kale Wasaaradda Tamarta iyo Kheyraadka Biyaha.
Booqashada wafdiga IOM iyo mashruuca ay ka fulinayaan Galmudug ayaa kusoo beegmaya xilli abaaro xoogan ay kudhfteen Soomaaliya, gaar ahaan deegaanada Galmudug, iyadoona lafilayo in mashruucan goordhow laga fuliyo deegaanada miyiga Galmudug oo ay abaartu saameesay.
