Alle ha u Naxariistee inta la xaqiijiyay ilaa Laba qof ayaa ku dhimatay dad kalena waa ay ku dhaawacmeen shil Gaari oo Maanta ka dhacay Agagaarka Hotelka isha Burco ee Magaalada Burco.
Shilka ayaa waxaa uu yimid kadib markii ay isku dhaceen Gaari Booyad ah iyo Mooto Bajaaj, waxaa sidoo kale shilka uu sababay khasaaro dhaawac ah oo gaaray dad saarnaa Mooto Bajaajta.
Ciidamo katirsan kuwa ilaalada waddooyinka ee taraafikada ayaa gaaray halka uu shilka ka dhacay, iyaga oo dhaawacyada geeyay Isbitaalka Magaalada Burco sidoo kalena kala qaaday Booyada iyo Mooto Bajaajta isku dhacay.
Shalay ayay aheyd markii shil gaari oo ay ku geeriyoodeen Saddex Ruux uu ka dhacay wadada u dhaxeeysa Magaalooyinka Burco iyo Berbera ee Gobolka Togdheer Somaliland.
