Dhegeyso”Faah faahin Gaari Walxaha Qarxa Sida oo C/casiis lagu qabtay

degmada C/casiis(WRB)Waxaa xalay degmada Degmada C/casiis ee gobolka Banaadir lagu qabtay Gaari ay ku xiran yihiin Walxaha Qarxa.
Gaariga ay ku xirnaayeen Walxaha Qarxa ayaa nuuciisa waxaa lagu sheegay Kaarib Qalin ah, waxaana ciidanka NISA ay ku guuleysteen in Gaariga ay ka furaan Qaraxyadii ku xirnaa.
Afhayeenka maamulka gobolka Banaadir C/fataax Cumar Xalane oo wareysi siiyay Idaacadda Risaala ayaa waxa uu sheegay in Gaariga lagu qabtay degmada C/casiis sidoo kalane ciidanka NISA ay horey u ogaayeen xogta Gaarigan.
Ciidamada dowladda Soomaaliya ayaa waxa ay Gaareen goobta Gaariga lagu qabtay waxaana ay halkaasi ka sameeyeen Howlgallo amniga lagu xaqiijinayo.
Gaarigan xalay lagu qabtay degmada C/casiis ayaa ku soo aadaya xilli xalay Gaari Walxaha Qarxa lagu soo xiray uu ku Qarxay Isgoyska Dabka, kaas oo geystay khasaare isugu jira dhimasho iyo dhaawac.