Xiim=cade(WRB)Maamulka Galmudug ayaa sheegay in ay wadaan dadaalo nabadeed oo lagu xalinaayo xiisadaha dagaal ee ka taagan deegaano ka tirsan gobolka Galgaduud ee bartamaha Soomaaliya.
Madaxweyne ku xigeenka maamulka Galmudug Maxamed Xaashi Cabdi oo la hadlay warbaahinta ayaa sheegay in ay diyaar u yihiin in ay xalinayaan dagaalka ka taagan tuulada Xiimcade oo hoos tagta degmada Ceelbuur ee gobolka Galgaduud.
Maxamed Xaashi Cabdi ayaa ugu baaqay labada beelood in ay dagaalka ku joojiyaan shuruud la’aan , islamarkaana ay qaatan waan waanta waxgaradka ay wadaan.
Maalmihii la soo dhaafay dagaal beeleedyo waxa ay ka jireen deegaano hoos yimaada degmada Ceelbuur ee gobolka Galgaduud.