Wararka ka imaanaya deegaanka Kooney ee degmada Berdaale ayaa sheegaya in howlgal ay fuliyeen ciidanka amniga degmadaas lagu dilay Macalin Qaddiid Ciidanka amniga degmada Berdaale ayaa si xooggan u qaaday howlgalkan, waxaana inta badan dadka deegaanka iyo Ciidamada ay ka war heleen kaliya kadib markii ay ogaadeen halaka uu ku sugan yahay Macalin Qaddiid ayaa ka mid ahaa Horjoogiyaasha Al-shabab
Howlgal qorshaysan oo ay ciidanka amniga degmada Berdaale ka fuliyeen deegaanka Kooney ayaa lagu dilay Macalin Qaddiid, oo ahaa horjooge sare oo ka tirsanaa kooxda Al-shabaab islamarkaana ahaa madaxa ururinta waxa ay ugu yeeraan Sakaawaadka oo ah lagacaha baada ah ee ay ka qaadaan shacabka ku nool deegaanada hoos yimaada degmada Berdaale ee gobolka Baay. Sida ay saraakiisha ammaanka sheegeen, howlgalka ayaa yimid kadib markii la helay xog sirdoon oo ku saabsan halka uu ku sugnaa Macalin Qaddiid iyo xubno kale oo la socday. Ciidamada ayaa si taxaddar leh u weeraray goobta, iyagoo halkaas ku dilay horjoogahan, halka xubnihii kale ay qaarkood baxsadeen.
