Aqriso Warbixin:- Maamulka Degmada Baardheere oo sheegay xaasaska Shabaab markii ay ka saareen Magaalada inay heleen amni

Maamulka Degmada Baardheere ee Gobolka Gedo, ayaa shaaca ka qaaday in xaalada ammaan ee Magaalada ay tahay mid wanaagsan tan iyo markii Magaaladaasi si rasmi ah looga saaray xaasaska Al Shabaab.
Masuuliyiinta Maamulka Degmada Baardheere, ayaa aaminsanaa xogta la xiriirta ammaanka Degmada Baardheere inay bixin jireen xaasaska Shabaab, balse markii Magaaladaasi laga saaray hada ay noqotay mid amni ah oo aysan ka dhicin falal lidi ku ah dhanka ammaanka.
Ismaciil Cabdi Qorrax Guddoomiye ku xigeenka Maamulka Degmada Baardheere ayaa Saxaafadda u sheegay kuwa la musaafuriyay ma’ahanee haween kale oo xaasaska Shabaab ah in iskooda ay u baxeen.
“In badan oo ka mid ah weyba baxeen dad aanan la tuhunsaneyn, ayaa xitaa sidoo kale baxay waxyaabaha hada joogay ee la daayay waa kuwa lala socdo xaaladooda oo aanan waxba sameyn karin.” Ayuu yiri Guddoomiye ku xigeenka Degmada Baardheere.