Xilliga Jiilaalka lama gaarin, waxaa lagu jiraa bishii ugu danbaysay ee seddexdii bilood ee Da’yrta. War iyo ceel biyo kuma jiraan dhulkana wuu qalalay oo xoolaha geed ay goostaan malaha, waxaa jira haraad iyo gaajo ay dadka kaga barakacayaan deegaanadii ay ku noolaayeen.

Subax walba waxaa soo gaara Magaalada Baydhabo  dad ay soo barakicisay abaarta kuwaasoo ku biiraya xerooyinka ay ku jiraan barakacayaashii horay ugu sugnaa magaalada oo iyagaba tooda u yaabanaa oo habeen maalin cabasho u gudbiniyay maamulka gobolka ,degmada iyo dowlad goboleedka koofur galbeed soomaaliya.

Dayrtii roob ma’di’in, gu’giina wax saas ah ma dhaamin oo wuu roob yaraa,beeralaydii deganayd baadiyaha mudo laba sano wax dalag ah kama goosan beeraha, wxay ku noolaayeen dalayadii horay ay u goosteen sanadihii hore ee ugu kaydsanaa bakaaraha.

Beeralaydii daganayd dhulka adablaha ah ee wax soo saarka beertaha hodanka ku ahaa sanidihii la soo dhaafay waxay xooga saareen beerashad sisinta  taasoo marka ay soo go’do u gooyn jirtay lacag fiican oo ay ku maarayn jireen nolol maalmeedkooda.

Tani waxay keentay in uu yaraado kaydkii cuntada bakaaraha oo xiligan oo kale marka ay abaar dhacdo lagu baxsan jiray oo u saamixi jirtay qoyska in ku noolaadaan tan iyo inta uu circa ka da’ayo oo oo ay beertta la abuuro ka soo go’ayo dalaga,

Xoolalaydii reer guuraaga ahaa xoolo uma dhaqna waxaa qabsatay abaar laba xili oo is xigta circa roobkii laga waayay, duurkii malaha geed cagaaran oo ay xoolaha daaqaan, xoola dhaqatadii lo’ jirka ahayd mar hore ayay abaarta la tagtay waxaa soo haray neef neef lo’ah oo lagu dhaqaalaynayo bilkii qalalay ee saarnaa mundalada iyo beeraha dhexdooda intii kale waxay noqdeen wax  ay xaraasheen, qaar ay qasheen iyo kuwa bakhtiyay.

Arigii isna ma noola waxaa heshay qoraxda jiilaal iyo  gaajada geed qoyan ee uu qaniino dhulka uu ka waayay, kuwii bakhtiyay , iyo qaarkii soconwaayay ee ay wadad ku soo qasheen maahee intii soo hartay waxaa ay  ku shubeen suuqayada magaalooyinka iyagoo xaraashaya oo ku gadaya neefkii ari ah wax ka yar shan doolar si ay shilimaadka yar ugu sahaysadaan iyaga iyo caruurtyooda inta ay wadada ku sii jiraan.

Shaki kuma jiro in ay jirto abaar baahasan guud ahaan  Gobolada dalka, balse waxaa isweydiin mudan heer intee la’eg ayay gaarsiisantahay abaarta.

Geediga hayaanka ah ee ay dadka  maalin walaba ku soo galayaan magaalada Baydhabo ee subax nool aad ku arkayso duleedka iyo gudaha magaalada Baydhabo qoysas is xambaarsan markaad aad u baxdo banaanka magaalada waxy bidhaaminaysaa in abaarta tahay mid baaxad leh oo aan  indha laga daboolan Karin oo u baahan in si deg deg ah loogu guntado si looga hortago  xaalada abaarta hada ay joogto oo ay dadka awoodaan socodka,

Waxaa wanagsan in ay is abaaabulaan shacabka ku dhaqan magaalada oo ay sameeyaan kulamo qaaraan loogu aruurinayo dadka  ka soo barakacaya degmooyinka iyo tuulooyinka ee soo gaaraya baydhabo ama uga sii gudbiyo shabeelada hoose iyo Banaadir.

Isutaga iyo qaaraanka dadwaynaha waxay soo jeedinkartaa indhaha  hayadaha caalamiga ah

Mar haddii dowladdii  dhexe iyo dowlad goboleedka koofur galbeed soomaaliya ee mas’uulka ka ahaa samata bixinta dadkooda ay abaarta ku dhufatay ee bilaabay in ay ka barakacaan deegaanadii ay ku noolaayeen ay kaga mashquuleen doorashooyin iyo kursi radis dhaqalaha ku baxaya  haddii wax loogu qaban lahaa dadka abaaraha la daalaadhacaya ay manta  baahi iyo haraad la soo barakici lahayn, oo waxay  biyo iyo raashiin ugu gayn lahayd  deegaanadooda ileen waa dadkeedii  manta oo kale hoo mooyee hadal  uu gaynin.

Halkan Ka Daawo Sawiro