Madaxweynaha Dowlad Goboleedka Koonfur Galbeed ee Soomaaliya Mudane Shariif Xasan Sheekh Aadan ayaa kormeer ku tegay garoonka Diyaaradaha ee magaalada Baydhabo, halkaasi oo ay ka socdaan howlo dhismo ah, gaar ahaan halka ay diyaaradahu soo cago dhigtaan ee Run way,
Mudane Shariif Xasan Sheekh Aadan iyo wafdiga la socday oo isugu jiray Wasiiro iyo Injineero waxa ay ku soo wareegeen qeybaha uu ka koobanyahay Garoonka, waxaana uu bogaadiyay dhismaha ka socda Garoonka diyaaradaha magaalada Baydhabo.
Wasiirka Gaadiidka, Dhulka iyo Cirka ee Koonfur Galbeed Mudane Cabdullaahi Aadan Axmed (Cabdullaahi Black) ayaa sheegay inay meel wanaagsan mareyso dhismaha garoonka.
<iframe width=”710″ height=”415″ src=”https://www.youtube.com/embed/6PgUxTF1ykc” frameborder=”0″ allowfullscreen></iframe>