WRB:Saraakiil ciidan oo ka socota dowladda Federaalka Soomaaliya iyo AMISOM ayaa lagu wadaa in maanta ay gaaraan magaalada Marka ee gobolka Shabellaha Hoose.
Saraakiishan ayaa ka amba baxaya magaalada Muqdisho, waxaana ulajeedka ay halkaasi u tagayaan tahay sidii ay usoo indho indheyn lahaayeen amniga guud ee magaaladaasi.
Markii ay tagaan saraakiishan magaalada Marka waxay la kulmi doonaan maamulka magaaladaasi, saraakiisha ciidanka dowladda iyo kuwa AMISOM ee ku sugan halkaa iyo qaar ka mid ah waxgaradka Marka.
Waxay kala hadli doonaan arrimo ku aadan nabad galyada, iyo tayeenta ciidamada ku sugan magaaladaasi oo maalmihii ugu dambeeyay gacan isku dhiib ku jirtay.
Saraakiil ku sugan Marka ayaa inoo xaqiijiyey in qorshaha ay saraakiishan u tagayaan magaaladaasi ay ka mid tahay sidii loo kordhin lahaa ciidanka magaaladaasi ku sugan.
Al-Shabaab ayaa Labo cisho oo xiriir ah waxay maamulayeen magaalada Marka kadib markii ay ka baxeen ciidanka dowladda Federaalka ah, balse si iskood ah ayeey ugu dambeyn magaaladaasi uga laabteen.