Ciidanka dowladda Soomaaliya ayaa howgallo ay sameeyeen degmada Dharkeenleey ee gobolka Banaadir waxa ay ku soo qabteen dad lagu tuhmaayo in ay xiriir la leeyihiin ururka Al-Shabaab.
Afhayeenka Wasaarada amniga ee dowladda Soomaaliya Cabdikamil Macalin Shukri oo la hadlay wakaalada wararka Soomaaliyeed ee SONNA ayaa sheegay in ciidanka dowladda ay gacanta kusoo dhigeen labo nin oo lagu tuhmaayo in ay gacan saar la leeyihiin ururka Al-Shabaab howlgal ay ka sameeyeen degmada Dharkeenleey ee gobolka Banaadir.
“Ciidamada ammaanka ayaa degmada Dharkeynley ee gobolka Banaadir kasoo qabtay laba nin oo lagu tuhunsanyahay in ay ka tirsan yihiin Al-shabaab, gacanta ciidanka ayey kujiraan walina baaritaano ayaa socda”ayuu yiri afhayeenka.