Barcelona ayaa hal talaabo u jirta inay dhameystirto heshiiska ay Paco Alcacer kala soo wareegeyso Valencia ka dib markii uu ciyaaryahanka maray saaka tijaabada caafimaadka.
Isagoo tijaabada caafimaadka ku maray xarunta kooxda Ciudad Deportiva, heshiiska weeraryahanka ayaa la filayaa in si rasmi ah loogu dhawaaqo saacadaha soo socda.
Qiimaha lagu iibsaday 22 sanno jirkaan ayaa la rumeysan yahay inuu gaarayo 30 milyan euro, inkastoo weli la sugayo haddii Munir El Haddadi oo lala xiriirinaayy Celtva Vigo uu dhanka Valencia u wareegi doono isagoo qeyb ka noqonaya heshiiska.
Paco Alcacer ayaa lagu soo daray xulka Spain ee tababare Julen Lopetegui, waxaana la filayay inuu soo xaadiro tababarka asxaatiisa xulka ee Las Rozaz ee magaalada Madrid 1da duhurnimo waqtiga Spain, laakiin waxaa la filayaa inuu codsan doono in dib loo dhigo imaanshiyihiisa xulka oo uu ku biiro tababarkooda 6:30pm waqtiga Spain.
Paco Alcacer ayaa noqonaya saxiixii lixaad ee xagaagan ay la soo wareegto kooxda Barcelona ka dib Samuel Umtiti, Denis Suarez, Digne, Andre Gomes iyo goolhaye Cillessen
