Ra’iisulwasaaraha Ingiriiska Theresa May oo khudbad dhinacyo badan taabanaysa ka jeedisay shirkii 71aad ee golaha ammaanka ee Qaramada Midoobey ayaa ka hadashay arimo badan oo khuseeya arimaha Soomaaliya.
Theresa May ayaa sheegay in dowladda ingiriiska ay taageero weyn u fidin doono dalka Soomaaliya.
Ra’iisulwasaaraha dalka Britain ayaa sheegay in dowladda Ingiriiska ay diyaar u tahay in ay laba jibaarto taageerada ciidan ee ay siiso dowladda Soomaaliya.
Theresa May ayaa sheegtay in beesha caalamka looga baahan yahay in ay laba jibaaraan taageerada ay siiyaan dowladda Soomaaliya.
Waxa ay hoosta ka xariiqday in dowladda ingiriiska ay kordhin doono ciidamada ka jooga Soomaaliya , waxaana ay sheegay in dowladda Ingiriiska ay diyaar u tahay in ay hormuud ka noqotay weerarada lagu qaadaayo Al-Shabaab.
Theresa May ayaa beesha caalamka ugu baaqday in ay muhiim tahay in ay isgu yimaadaan shir weyne caalami ah oo looga hadlaayo arimaha Soomaaliya , islamarkaana dhaqaalo loogu aruurinaayo dalka Soomaaliya.