{WARSANRADIO} Mareykanka ayaa ciidamo kooban u diray Soomaaliya, gaar ahaan magaalada Muqdisho, si ay tababar u siiyaan Ciidamada Soomaaliya iyo kuwa AMISOM.
Saraakiil Mareykan ah ayaa u sheegay VOA in Ciidamadan ay ka dageen magaalada Muqdisho 2-dii bishan.
Tagista Ciidamadan ayaa ka dambeysay markii dowladda Soomaaliya ay codsatay, sida ay xaqiijiyeen Saraakiisha Mareykanka.
Ciidamo Mareykan ah oo aan tiradooda la cayimin ayaa horay ugu sugnaa Soomaaliya, kuwaasoo tababarayaal iyo la taliyeyaal isugu jiray.
Mareykanka ayaa qeyb qaadanayay howl galka ka dhanka ah AL-Shabaab, waxaana ay gacan siinayeen Ciidamada Soomaaliya iyo kuwa AMISOM.
Wasaaradda Difaaca Mareykanka ayaa dhowaan sheegtay inay kordhineyso weerarada ka dhanka ah Al-Shabaab, iyadoo walaac laga muujiyay arrintan inay waxyeelo ka soo gaarto dadka rayidka ah