Baydhabo Somaliya{WMN}-Madkasty wali dheeghaasee horiyatul qoowlky hal dhoorooy diimoqraadiyadany hal kydhaghamooy yeethoo lyiingh Dowlathoo aduunky, gothob haangh reer galbeedky, waliny kybiyaayaany dhaqaaly si dadky kynool qaaraddy Afriky ingh helaangh horiyad yoo kuku hathalaangh wali yoo dhinghsithaayaangh si hornimy leh ii diimoqraadiyad yoo kydoorathaayaangh lanky yoo fathaayaangh iny ku weeldhithaangh ulhaay.
Siny kasty tababary liky barathaaw horiyatul qoowlky, diimoqraadiyaddy ii dowlad feeylahaanshy gobol ii degmy kyyaaly wadanky Soomaaliyi, si dadky ingh fahamaangh horiyatul qoowlky ii dowlad feeylahaagnty ii hogaaminghty, waliny lyhamarsiyeeye hay’athy hooskooyoow iniskooyky aduunyathy hoos seethaaw, iniskooyky kymithoobeengh dowlathoo Yurubty.
Intaas hanghdhy e hooby likybiyaayi huriyatul qoolky ii diimoqraadiyaddy, dowladdy Soomaaliyiny hukuumaddiyee wasaarathooshee qayb ku haayeengh may sheeny geeky iny Dowladdy Soomaaliyi isku indhy saabty fikirky fadiyoothy dadky deghaaw lamaathy weby Jubba ii Shabeely iny si dimoqraadiyadly kydoorathaangh Musharahghy yoo fathaayaangh ee hanisteeghy ingh koleeytimoowky doorashiyhy mathywiinaaghy Koofur Orsy.
May ety sababty dowlidy federaalky ingh lety is asileengh musharihiinty bershoo ii gudighy doorishithy, yeethoo hordhaangh haanoo inis asileeghn sheenghty iny reed inghdhiithy doorashithy, haanii mad kaly lydoorithiiny qerky iniinghsaaranghyiingh iny is casilaangh galgaljhaaysy yee ky haayty Dowladdy Federaalky Soomaaliya aawothiyee.
Ooty federaalkii , afky leey haayeey ooni hildhibaanithii luku doorithy koofur orsy dadka edshoo metelaayi, may hebedkaa beelinghyiiny hiskaa ku jhabanghyiinaa, ma arghaayaanee umutiitiyoo si lingh ly harbiyoohaayi, mise yoo baa dhiny ku eh ayty lingh daboohaayi, gudoonkii baarlamaanky inky wiinghyi tabtoo may ingh naghatheengh, arintungh meel dheer deertee wali hindhoo unku fiiriyoohaayaangh, hanshar hang lingh heethiyoohaaye.
Ooty horiyatul qoowlkee ii diimoqraadiyaddii heelaa bathangh liky biyaayi, ummuty lybaraayi ii dowlad faylahaagnty, maay iingh erleey haayteey ummuty liky mathaddaaliyaayi, umbooneey sithii widaadkii loothy beerty daaghdy hukungh lyerseey, hukungh wiingh kyrithyyu, loothy tiithaawaa haayty, maddii le’ereeny istaaghfurululaah ereey hukunkii ku negehtiyo. Kureedny eri li jiifiyiny binaawty, li roojhiyiny binaawty.
Wal dareeraaw me’eh geekiny ku gathamaaw dadky koofur orsy, lama too ya linku baahanghyi Dowladdy federaalky si yee inghdhiithy doorashithy koofur orsy, dowladdy federaalky luty haaysity si yee ingh afduubty fadiyoothy ii horiyaddy ummuty koofur orsy.
Lamaathy qothob walibuwaa.
- Iny dowladdy halybanghbaty walaa inghkaaysingh yee haanghjharjharsithoo haayty yeethoo kiyaany ii lalaab inky jarny, ummuty dhetiyeeny taswiish ii tuhungh inghgiliiny inghmeelmartooy amah al ku horkooyooy, ileengh rungh ii ilkyby wal edaayee ya reeghaay kymaagmaaghathaaseey.
- Iny dadky ii fadiyoothiyoo ku barry marty guuludleey kylahaaty ii inis dhiithy hildhibaaneethiyoo ii lanky yoo ingh woothiyaayaangh, kii habbahoony aqbaaly waany li shaqeeyty, sithaasaany feeylahaanty kyjarty. Hooby kaly wali naghathaasaa bilaayithaa fathaaw boodkaawaa qorjaaysithee.
Lamaathaas wal inghaayny wali haku hari, gardoruwu, geedny lahaanky gebiny, guulishy inghlahaaynee, abtighaa guntighaa ku day wal inhaayny, reetheey niniingh eraanywu si mustaqbalky jiilky bery kooyi doony iniingh galny mogdy bartiyoo ii beertiyoo kywaayayaangh.
Walaa dowladdy federaalky yee kydeyoohaayty koofur orsy dadshee, mingh bilaaw. Sodonkii siny hadhaafny si leey lahanisky deyaayeey intiby abooow ii garby raariyoow mahaanku banne, geesy ku gohaayi guulny kysheenaayi geerithy ogolaathy, gumaysighi kor mathoow iny geekoo gerdaro dhulsheey inky lahaany god aakiry ku doorathy. Taasoo kuriity gabroo geeky rooghaangh iny meraashee guruthaangh wahdiyoo hoos goothaalshee gobonimy inky haasaawaangh.
Mathaly koofur orsy yaaly koleeytanghshee leey me’e walaa dowladdy ingaljhaayaasy, wali jaree jary langhkii waab kyhaayi geesamaaly aghalkaa ku rorooy lyery, hooby koofur orsy dadshee eny inghhabshangdhowneey iny guul kydeeraany ka aalny. Koo ii lamy inghhaaynee hortaany guul dory uny guthaany haano ku mid e lingh garabsetheey gothobteeye nynoo gothoohaayi.
Goosinkii kolkaas tabtiyoo miirangh hanoo e ya koofur orsy gorgory ii ganaa ingh ety, si yoo ingh gathythaanghny dowladdy federaalky ingh geed guroohaayaangh yoo sheeghthaaw iny koofur orsy garabshee eyiingh fathaayaangh gumaysi ii gogooyoow goboleethii koofur orsy guul ky deereengh, dadsheeny ku weelaangh umud berin inghlahaaynee garab roroty goof gabal yoo deghaayaangh inghjarnee liku tiry bathanghyi.
Taly tii ally waa ayty liniingh debaaw ii hagardaamathy dowlad ii dubataati dadsheey dafiraaw masqanty luku haaysithy wali go’aanshoo afmeery koree, muthuniyaalky koofur orsy, hooby naghathaangh geesiyaal danty dalshoo ii dashoo ku nahaaw, ingenghdhimaaw gardaroothy daleel yaalky langhby lingh warsithaanee ummuty koofur orsy masiirshoo ii umadnimaathiyoo haboogh maakithaaghy liky geliyoohaayi.
Taariikdy my dooghoowaasy tabty ii taaly walaaghii dhiyi qoraasee diwaangh geliyaasy ti hung ii tii fayly, sithaas daraadiyee hoolaa inghyaaly hildhibaanee koofur orsy, murkudny ingh qasinghyi, waliny inis garab yaalee lamy dorongh too doorooy, muthuny geesy naghooy gee lingh tooghaay edshoo gooyaaw go’aan taariikdy galaaw oowlaadiyoo maghy humy iniingh sheeny aawkiingh singhweely kedkaas lingheraany/
Tanghlamaadny wali buwaa edkeey anii lydhe hortaa inghguulatooy dhegby balay iniinghsiithiyoow dadky hathalshoo, awlaadaa dheghumy ii taariik madoow ebedshoo unku heraany aawkiinghaa gothobtungh siny hebeleey jeeysity umrushoo li qiibsatooy,
Guluneengh geey mathaliis hildhibaanky edsheey guul kydeeraany ii goof mathaliis hildhibaanky edsheey gobolee koofur orsy liky gogoosithaayoo taariikdy baal mathoow ku galy doony, gesiinkoo geekoo hely umutiis kyganghjhibiyaayoo gurbishy ii gothob taariik humy mathalaas ku raahaasoo guuldory ummuty koofur orsy edsheey ky gooyi doony.
