Baydhabo Somaliya-{WMN}-Dooda ayaa maanta ku saabsanayd shaqa la’aanta dhalinyarada iyo sida ay dhalinyarada uga bixikaraan iyo bal haddii ay jiraan caqabado ku hor gudban oo u baahan in laga galo dood haddii laga gudbi karo oo la heli karo xal waara. Waxaa dooda ka qayb galay gudoomiyayaasha dhalinyarada Gobolka iyo degmada Baydhabo, iyo mid ka mid ah ururada bulshada rayidka ah.
Waxaa ay kala ahaayeen Aadan Macal in Cabdiraxmaan( Shaati, ) Gudoomiyaha dhalinyarada G/Baay Maxamed Aadan Mxamed (Dhegeey) oo ah gudoomiyaha dhalinyarada Degmada Baydhabo, iyo Hanad Ugaas oo ah gudoomiyaha urururka horumarinta dhalinyarada SAMAKAAB, waxayna ka doodeen Shaqo la’aanta dhalinyarada iyagoona doodooda inta badan diiradda ku saaray wax yaabaha sababa shaqa la’aanta dhalinyarada.
Waxaa ay u kala qaadeen shaqa la’aanta sedex qeeybood oo kala ah, 1. Dhalinyarada naftooda. 2. Hay’adaha qaabilsan shaqaalaysiinta, 3. Eex iyo musuq maasuq ba’an oo ka jira qaabka shaqaalaysiinta hadii ay ahaan lahayd, wasaaradaha Dowlad goboleedka, maamulka gobolka iyo degmada iyo hay’adaha caalamiga iyo kuwa isugu jira NGO’yada iyo UNka.
Waxaa ay doodayaasha geba gebadii ku taliyeen in la badiyo doodaha noocaan oo kale isla markaana laga qayb geliyo dhalinyarada si loo ogaado inta ay la egtahay xadiga shaqa la’aanta haysata dhalinyarada ee isugu jira wiilal iyo gabdho.