Waxaa xilkiisii la wareegey Taliyaha cusub qeybta lixdamaad dowlada fadaraalka Soomaaliya u soo Magacawdey Maxamed Sheekh Cabdulahi Ciirow .Waxaana munaasabadda xilwareejinta kasoo qeyb galey Taliyaha ciidanka lukta xoogga Dalka Soomaaliyeed Jeneralka Cabdixamiid iyo Madaxa howl galinta Ciidamada xooga dalka Jeneraal Madoowe iyo Saraakiil Kale .
Taliyihii hore ee qeybta lixdamaad jeneraal Maxamed Cabdiraxmaan Timacade oo xilwareejinta ka Hadley Ayaa ka sheekeeyey intii uu maamulaayey Taliska qeybta lixdamaad sidii ay u sugeen amniga deegaanada KGS isagagoona taliyaha ku sheegay in ay taasi ku timid Qaabkii wanaagsaneyd ay ula shaqeeyeen bulshada .
Taliyaha xilka lawareegey Jeneral Maxamed Sheekh Cabdullahi Ciirow ayaa Hadal kooban oo uu jeediyey waxaa uu dul istaagey in uu wax ka bedeli doono hanaanka maamul iyo ciidan ee uu ku shaqeyo taliska qeyta 60 aad isagoona balan qaadey inta uu xilka hayo inuu xoogga saari doono gudashada waajibaadka dowlada fadaralka Soomaaliya u ikmatey islamarkaana ciidanka ka dhigi doono kuwo tusaale u noqda ciidanka Soomaaliyeed .
Jeneral Cabdixamiid Maxamed Dirir Taliyaha ciidanka lukta xooga Dalka Ayaa umahad ceilyey Taliyihii hore ee qeybta 60 aad sidii wanaagsaneyd ee uu u soo shaqeeyey sidoo kalena ugu baaqey Saraakiisha Qeybta 60 aad iney la shaqeeyaan Taliyaha cusub .