Baydhabo Somaaliya-{WMN}-Durba magacaabistoodii maamulka cusub ee degmada Baydhabo, ayaa uu muuqanayaa hanaan maamul oo ka tarjumaya kala lahaanshaha shaqada masโuuliyiinta degmada Baydhabo uu u magacaabay madaxweynaha KGS, Cabdicasiis Xasan Maxamed Laftagareen, iyadoona taasi ay ku timid wada shaqaynta maamulka dhexdooda iyadoo mid waliba uu guda galay qabashada shaqooyinka uu ku magacaabanyahay iyadoo aysan jirin isku milan shaqooyinka xubin walba oo ka tirsan maamulka degmada Baydhabo.
Yuusuf Bare, oo ah gudoomiye ku xigeenka Maaliyada degmada Baydhabo, ayaa tan iyo markii la magacaabay waxaa uu wadaa isku dayo bulshada xaafadha iskugu xirayo taasoo uu ku doonayo in uu bulshada kaga dhaadhiciyo canshuurta bixinteeda sida ay ugu tahay mid muhiim ah waxtar u leh dhaqaajinta amniga, bilicda iyo isdhex galka bulshada .
Qoondada haweenka ayuu maamulkan cusub ee degmada Baydhabo magacaabistiisii hirgiliyey kadib markii tira haween wax bartay ay ku dareen tobanka xaafadood ee magaalada Baydhabo iyadoo taasi ay ka dhigayso maamulkan cusub mid qiimayn siiyey haweenka , waxayna xoojinaysaa dadaalka haweenka ay ugu jiraan ka qeeybgalka siyaasadda oo bilihii ugu danbeeyey hayโadaha ka hoowlgala qaarkood magaalada Baydhabo ย ku bixinayeen qarash badan si ay haweenka uga qeeb galaan siyaasadda heererkeeda kala duwan min tuulo degmo, gobol iyo heer qaran.
Dowladda hoose ee degmo waa midda ka shaqeeysa bilicda, samaynta goobo dalxiis magaalada ay leedahay oo ka soo galo kolka la haagaajiyo, waxaa kaloo dowladda hoose uu waajib ka saaranyahay hagaajinta nadaafadda degmada ay maamulayaan masโuuliyiin aqoon leh ee yaqaano deegaanka bilcdiisa doorka uu ku leeyahay soo jiidashada dalxiisayaal isugu jira ajnabi iyo Soomaali, hase ahaatee maxaa ay arinkaasi kaga tala galayaan Maamulka degmada Baydhabo?
Bulshada Baydhabo ku dhaqan ayaa ah bulsho ku wanaagsan dowladnimada iyo u hogaansanaanta hirgelinta dowladnimada haddii ay helaan maamul la shaqeeya oo ku dhaqmaya maamul wanaag la iska dhex arkayo hirgalinaya mabaaโdiida dowladnimada u ah asalka iyadoona bulshada laga qeey gelinayo wax walba oo soo kordha haddii ay haan lahayd is caawinta iyo isu gargaarka xiliyada ay soo ifbaxaan xaalado u baahan gurmad is gacan qabasho.
Baydhabo waa magaalo koraysa, oo sanadba sanadka ka danbeeya sii balaaranaysa, ma joogo Baydhabo xaafado ahaan halkii ay joogtay sanooyin ka hor, bulshada ayaa korortay eek u nool Baydhabo, cirif ilaa iyo cirif Baydhabo marka dusha laga eego waa mid guda weyn, waxaa ay leedahay wadooyin badan oo waa weyn, inkastoo maamulka Cali wardheere ee Gobolka uu wax muuqda ka qabtay, haddana waxaa ka muuqda bur bur aad u weyn , waxaa ay Baydhabo u baahantahay in lagu sameeyo dib u haagaajin wado iyo dhismo si ay kororkeeda iyo bilicdeeda u noqoto mid isu dhiganta.
Su;aashuse waxaa ay tahay, yaan uga fadhinaa in uu sameeyo hoowshaas baaxadda leh, ma bulshada caadiga ahbaa, ma hayโado shisheeyaa oo mashruuc naga dhigta ma nagaa isku tashana oo jeebbkeena ku salayna mise dadkale, waakan Yuusuf Barre gudoomiye ku xigeenka Maaliyadda Degmada Baydhabo.
Haddii ay bulshada ku nool degmada Baydhabo marka ay canshuurta bixiyaan oo ay la shaqeeyaan maamulka Dowladda hoose ee degmada Baydhabo, isla markaana maamulka canshuurtii uu ka qaado ay ku fulinayaan mashaariic waxtar u leh bulshada oo sida aan ogsoonahay dhici jirin kalsoonida intaa laโeg maamul uu ku beero bulshada degmada ku dhaqan ee laga qaado canshuuraha, maxaa laga maarmayaa, maxaa meesha ka baxaya, maxaana noqonaynaa.
Kaamamka ku yaala magaalada Baydhabo ayaa noqday kuwo kaliya inta Baydhabo gudeheeda ku taala waxaa ay ka badanyihiin kuwa ku yaala guud haan wadanka carabta hadda qalalaasaha uu ka socdo ee Siiriya guud haan, waxaa ay gaarayaan Kaamamka la diiwaan geliyey eek u yaala Baydhabo ilaa 460kaam. Taasi waxaa ay dhiirigelisay qulqulka dadka ay kaga soo tegeyaan bartii iyo beertii ay lahaayeen iyagoo dhaqashadii xoolaha iyo qodashadii beeraha ay ka doorbideen gacan hoorsi, waxaana la joogo heerkii ugu xumaa ee dhiiri gelinta barakaca in Kaamamka magacyadooda lagu qoro tuulooyinkii dadka ay ku noolaayeen oo iyada nafteedaba gaartay in laba laga dhigo oo lagu qoro 1 iyo 2.
Taasi maxaa uga qorshaysan maamulka cusub ee degmada, si looga hortago in barakacaba noqdo mid lagu baaโbiyo noloshii miyiga ee tacabka iyo daaqsiga ku tiirsanaa ee hadda u muuqata mid loo soo tafa xaytay oo hayโado iyo ganacsato ka dhigteen mashruuc laga samaynayo maalgashi lagana raadinayo macaash dhiiga dadka diwwan gelin looga dhigayo si loogu dul noolado nolo nolol lagu raadinayo oo u eg hanaankii ka ganacsiga dadka.
Waa qorshe iyo bilaawga hanaan maamul oo kala baxsan shaqadana tahay xil gudasho dariiq nidaamsan ku qotonta oo wax tar iyo horumar u ah bulshada Baydhabo, sida aad ka maqasheen warbixinta hadaladii ku jiray ee uu yiri Dr. Yuusuf gudoomiye ku xigeenka Maaliyadda Degmada Baydhabo, waxaa yaddadiilo dhabbaha loogu xaarayo u yahay Maamul Degmo oo ku shaqeeynaya nidaamka dowladda hoose ee caalamka, waxaana laga filan karaa haddii sida uu u hadlay gudoomiye Barre ka dhabeeyo bulsho heelan oo dowladda hoose la shaqeeysa iyo maamul markii ugu horeeyey qabto baahida bulshada iyo beledka horumarkiisa.
