Baydhabo Somaliya-{WMN]- Taliyaha ciidamada xoogga dalka Soomaaliyeed Janaraal Odowaa Yuusuf Raage ayaa maanta ka jawaabay su’aalo ay xildhibaano ka tirsan baarlamaanka Soomaaliyeed weydiiyeen.
Su’aalaha ay weydiiyeen xildhibaanada ayaa waxaa ka mid ahaa cidda bixisay amarka ilaalada xildhibaanada baarlamaanka marka ay galayaan Madaxtooyada.
Sidoo kale taliyaha ciidamada xoogga dalka ayaa marka uu bixinayay jawaabaha waxa uu ka codsaday xildhibaanada baarlamaanka inay kordhiyaan miisaaniyada baarlamaanka.
Su’aal ahayd inuu jawaab ka bixiyo awoodda Alshabaab ayuu taliyaha ciidamada xoogga dalka waxa uu tusaale u soo qaatay in 16 askari ay ka soo lugeeyeen magaalada Kismaayo iyagoo soo dhex maray dagaalamayaasha Alshabaab ayna soo gaareen degmada Baraawe.
