Gudiga Qaxootiga iyo Barakacayaasha Koonfur galbeed ayaa dukumiintiyo ka kooban dhalashada iyo sugnaanta waxaa ay ku wareejisey 100 qoys oo Dalka dib ugu soo laabtay, waxaana ay is kugu jiraan kuwii ka imadeen dalka keynya gaar ahaan xiryaha barkacyaasha ee dhadhaab iyo kuwii ku barakacey dalka gudihiisa.
Gudiga qaxootiga iyo barakacayaasha koonfur galbeed ayaa sheegey iyagoo gacan ay kahelayaan Hay`ada qoxootiga UNHCR in dadkaani dib loogu soo celiyo dalkooda ayna helaan daryeel iyo degnaansho.
Qaar kamid ah qoysaskii dib ugu soo laabteen degaanada koonfur galbeed gaar ahaan Degmada Baydhabo ayaa ka mahad celiyeen sida wanaagsan ee loo soo dhaweeyey iyo warqadaha dhalashada ah ee la siyey caruurtaani.
Cabdiqaadir Cali Maxamed Watiin Gudoomiyaha Hay’ada Brakacyaasha iyo Qaxootiga dowlad goboleedka koonfur galbeed ayaa sheegey in dowlad goboleedka koonfur galbeed gacan mugleh ay ka geysatey dib usoo celinta dadkaani iyo in 100 qoys caruurtooda si lacag la`aan ah ay ku helaan warqadaha dhalashada iyo sugnaanta, waxaana uu sidoo kale uu xusey in dowlada hoose ee Degmada Baydhabo dadaal dheer ay ugu jirto daryeelka iyo ka warqabka dadka dib ugu soo labanayaan Degmada Baydhabo.
By: Siid Cali Muuse Maxamed (Ateera)