Madaxweynaha Dowlad Goboleedka Koonfur Galbeed Cabdicasiis Xasan Maxamed Lafta-gareen ayaa Maanta Furay kala fadhiga Saddexaad ee Gollaha Wakiilada Dowlad Goboleedka Koonfur Galbeed.
Kulanka ayaa waxaa sidoo kale goobjoog ka ahaa qaar kamid ah golaha Wasiirada koonfur Galbeed, mas’uuliyiinta Heer Gobol iyo Heer degmo ee gobolka Baay & Saraakiisha Ciidamada dowladda iyo kuwa AMISOM.
Kulanka oo ay inta badan ku sugnaayeen Xildhibannada Koonfur Galbeed ayaa waxaa ka hadlay mas’uuliyiin kala duwan oo ay kamid yihiin, Guddoonka Golaha Wakiilada iyo mas’uuliyiinta kale ee Goobjooga ka ahaa.
Madaxweynaha Dowlad Goboleedka Koonfur Galbeed Cabdicasiis Xasan Maxamed Lafta-gareen oo hadal kooban ka jeediyay munaasibadda furitaanka, isaga dardaaran u jeediyay Gollaha Wakiilada Dowlad Goboleedka Koonfur Galbeed.