Ciidanka xoogga Dalka Soomaaliyeed iyo kuwa Booliska Dowlad Goboleedka Hir-Shabeelle ayaa saacadihii la soo dhaafay waxaa ay howlgal ka dhan ah Ururka Al-Shabaab ka fuliyeen degaano hoostaga Degmada Jowhar ee Caasimadda Hir-Shabaab.
Ciidamada guutada 3aad ee qeybta oo watay gaadiidka dagaalka noocyadiisa kala duwan ayaa waxaa ay howlgalka sigaar ah uga fuliyeen degaannada, ashamiido, Buur kaama bareeyo, Warciise, Jameeco iyo degaano kale, halkaas oo mararka qaar lagu arko xubno ka tirsan Ururka Al-Shabaab.
Saraakiisha Ciidamada ayaa waxaa ay sheegeen inay baaritaano ka sameeyewn dhulka howdka ah, isla markaana howlgalkooda ay ku burburiyeen saldhigyo ay lahaayeen dagaalmayaasha Ururka Al-Shabaab.
Taliyaha howlgelinta guutada 3aad ee qeybta 27aad Dhamme Ismaaciil Kuulow ayaa sheegay in howlgalkaan ay uga jawaabayeen kadib markii dhawaan degaannadaas ay soo galeen Xubno kamid ah Al-Shabaab, isla markaana howlgalkooda uu si guula ah ugu dhamaaday.
Sidoo kale waxaa uu hadalkiisa uu intaasi ku daray in Ciidamada xoogga dalka ay diyaar u yihiin inay marwalba fuliyaan howlgallada ka dhanka ah Al-Shabaab si loo xaqiijiyo amniga guud ahaan degaannada Maamulka Hir-Shabeelle.
Dhowrkii bilood ee la soo dhaafay ayaa Ciidamada dowladda Soomaaliya waxaa ay kordhiyeen howlgallada ay ka fuliynayaan tuulooyinka u dhow Magaalada Jowhar, waxaana todobaadkii hore ay ka fuliyeen degaano u dhow Tuulada Qalimow ee Gobolka Shabeellaha Dhexe.
