Xiisadda dagaal oo u dhaxeeysa laba maleeshiyo Beeleed ayaa daba socota dagaal ka dhacay degaanka haraale ee Galbeedka fog kaga beegan degmada Balanballe ee Gobolka Galgaduud.
Dagaalka oo salka ku haayo dhul daaqsimeed kuyaalla degaanka lagu dagaalamay ayaa waxaa ku dhintay 9 qof halka lix ruux oo kale ay ku dhaawacmeen, kuwaas oo u badan dhinacyadii dagaalamay.
Wararka saaka naga soo gaaraya degaanka haraale ayaa sheegaya in halkaasi weli laga dareemayo xiisadda dagaal ee labada maleeshiyo, waxaana dadka degaanka ay sheegeen inay cabsi la xiriirta in markale dushooda lagu dagaalamo dareemayaan.
Maamulka Galmudug oo aan weli ka hadlin dagaalkaas ayaa la filayaa in saacadaha soo socda uu u diro Ciidamo kala dhex-gala dhinacyada dagaalamay si xabada loo joojiyo.
