Afhayeenka Ciidamada Booliska Soomaaliyeed Cabdifitaax Aadan Xasan ayaa sheegay in qof isku soo xiray waxyaabaha qarxa uu isku qarxiyay Isgoyska Ceelgaabta ee Magaalada Muqdisho.
Sidoo kale wuxuu sheegay in qaraxa ay ku waxyeeloobeen dad rayid ah, hayeeshee uusan faah faahin cidda qaraxa lala beegsaday.
Ciidamo katirsan Booliska Soomaaliya oo markii hore u xirneyd Isgoyska Ceelgaabta ayaa sii xoojiyay, waxaana ay u diidayaan dadka iyo Gaadiidma intaba.
Khasaaro isugu Dhimasho iyo dhaawac ayaa ka dhashay qaraxa oo isugu jira Askar iyo dad Shacab ah oo wadada marayay.
Qaraxa ka dhacay Isgoyska Ceelgaabta ee degmada Xamar Jajab ayaa kusoo aadaya xilli waddooyinka soo gala Isgoyska Ceelgaabta Maanta loo xiray doorashada kuraas kamid ah Golaha Shacabka oo ka socota Dugsiga tababarka Janeraal Kaahiye.
