Baydhowy-{WMN}-Laamaha Amniga Gobolka Bari ee dowlad Goboleedka Puntland ayaa howlgal ay sameeyeen waxaa ay gacanta ku dhigeen laba nin oo u dhashay waddanka Yemen kuwaas oo watay Doon si ay ugu tahriibiyaan dhalinyarada Soomaaliyeed.
Taliyaha Ciidamada Booliska Gobolka Bari ayaa sheegay in raggaan doonta watay laga soo diray dalka Yemen, isla markaana ay ahaayeen kuwa Dhalinyarada Soomaaliyeed si dhuumaaleysi ah uga tahriibin jiray Xeebaha Gobolka Bari, iyaga oo geyn jiray dalka liibiya.
Waxaa uu hadalkiisa uu intaasi kudaray in howsha tahriibinta ay siwadajir ah isaga kaashan jireen rag Soomaali iyo Carab isugu jira, kuwaas oo kala jooga Magaalada Boosaaso & dalka Yemen, isaga oo ku eedeeyay in dhalinyaro farabadan ay Badda ku laayeen.
Ugu dambeyn Taliyaha Ciidamada Booliska Gobolka Bari ayaa digniin waxaa uu u diray cid kasta oo ku howlan tahriibinta dadka, isaga oo sheegay inay tallaabo sharci ah ka qaadi doonaan qofkii ay ku qabtaan, isaga oo ku howlan Shaqada tahriibinta.
laamaha Amniga Maamulka Puntland ayaa dhowr jeer sidaan oo kale gacanta ugu dhigay rag u dhashay dalka Yemen oo dadka tahriibin jiray iyo kuwo si sharci darro ah u kalluumeysanayay.