Urur-goboleedka IGAD ayaa u magacaabay Dr Mulatu Teshome, madaxweynihii hore ee Itoobiya, inuu hogaamiyo ergada goob-joogayaasha doorashada Kenya ee soo socota.
Ergadda uu hoggaaminaayo ninkaan ayaa dhawaan gaari doona Nairobi.
Sababta loo magacaabay ayaa lagu sheegay in ay tahay si wadajir ah loo korjoogteeyo doorashada loogana hortaggo in uu muran ka dhasho.
Doorashada Madaxtinimada Kenya ayaa dhici doonta bilowga bisha soo socota.
Dr. Mulatu oo xilka hayey 2013 illaa 2018 ayaa madax u ah kooxdan oo Nairobi ku tageysa martiqaadka guddiga madaxa banaan ee doorashooyinka iyo xuduudada ee Kenya (IEBC).
