Madaxweynaha Hirshabeelle Cali Guudlaawe Xuseen oo Magacaabay Gudiga Gurmadka Qaraxii 17-kii Luulyo ee Magaalada Jowhar ayaa kormeer u kuur gal ah ku tagay goobta uu ka dhacay qaraxii shalay iyo Xaafadaha uu saameeyay.
Madaxweyne Ku Xigeenka Hirshabeelle Yuusuf Axmed Hagar oo horkacaya gudigaan ka kooban Howlwadeennada Madaxtooyada iyo Wasiiro ayaa wada qiimeynta, diiwaangalinta dadkii ku waxyeeloobay iyo tirada qasaaraha uu geeystay qaraxii shalay ka dhacay Magaalada Jowhar.
Xubnaha Guddiga oo ka kooban 12 Qof ayaa la filayaa in maalmaha soo socda ay soo bandhigaan khasaaraha dhimasho, midka dhaawac iyo midka hantiyadeed ee ka dhashay qaraxa.
Al-Shabaab ayaa sheegtay mas’uuliyadda qaraxii shalay ka dhacay magaalada Jowhar ee Caasimadda Hir-Shabeelle, iyaga oo sheegay in qaraxaas ay la beegsadeen goob ay ku sugnaayeen mas’uuliyin katirsan Maamulka Hir-Shabeelle.
