ATMIS ku dhawaaqday in Ciidamada dowlada ay la wareegi karaan mas’uuliyadda amniga dalka written by Warsan Radio 01/11/2022 Taliyaha Ciidamada Midowga Afrika ee AMISOM Gen. Diomede Ndegeya oo xilka ka sii degaya ayaa sheegay in weerarrada ay wadaan ciidamada AMISOM iyo kuwa xoogga dalka ay tahay mid muujineysa sida ay u sii kordhayaan awoodaha Ciidanka Xoogga Dalka Soomaaliyeed (SNA).“Dadka Soomaaliyeed waxay u baahan yihiin nabad, sababtoo ah waxay soo mareen dhibaato aad u dheer. Waxaan ku faraxsanahay in laga bilaabo bishii Sebtembar in dowladda cusu & shacabka deegaanka ay gacmaha isku qabsadeen dagaalka ka dhanka ah Al-Shabaab. Waxaa hubaal ah in ay jirto rabitaan siyaasadeed oo looga hortagayo argagixisada Soomaaliya,” ayuu yiri Lt. Gen. Ndegeya, oo hadda soo gabagabeeyay socdaalkiisa shaqo kadib markii uu Soomaaliya yimid Bishii Ogoosto ee sanadkii 2020 si uu xilka ugu wareejiyo Gen. Tigabu Yilma oo u dhashay dalka Itoobiya.Dhambaalkiisa sagootinta ah Gen. Ndegeya ayaa sheegay in awoodda ciidamada xoogga ee weerarrada, jabinta cadawga iyo inay qabsadaan ay tahay tilmaan muhiim ah oo muujinaysa in ay sii kordhayaan awood ay si buuxda u qaadi karaan mas’uuliyadda amniga qaranka iyo ilaalinta dalka iyo muwaadiniinta. .Intii uu xilka hayay Lt. Gen. Ndegeya, Midowga Afrika iyo Dowladda Federaalka Soomaaliya waxay dejiyeen qorshe ay ku dejiyeen hannaanka dib-u-habeynta howlgalka, kaasoo ay hoos imaanayaan qaar ka mid ah Saldhigyada hore ee Ciidamada sida Afgooye, Marin guwaay iyo deegaanno kale.Wareejinta xarumahan ayaa qeyb ka ah fulinta si tartiib tartiib ah balse si joogta ah loogu wareejinayo mas’uuliyadaha amniga ee dowladda Soomaaliya sida uu dhigayo qorshaha kala guurka ah ee Soomaaliya, kaasi oo ah mid ay ku taageerayaan dowladda Soomaaliya iyo saaxiibadeeda caalamka.Taliyaha Ciidamada Midowga Afrika ee AMISOM Gen. Diomede Ndegeya ee xilka ka sii degaya ayaa bogaadiyay taageerada beesha caalamka, oo uu la sameeyay xiriir is-faham, oo ay u fidiyeen ciidamada Midowga Afrika ee dhanka dhaqaalaha iyo saadka.Lt. Gen. Ndegeya ayaa sidoo kale xusay in mudadii uu xilka hayay ATMIS ay dhistay xarumo ay ku shaqeeyaan si ay ugu suurtagasho ATMIS iyo ciidamada amaanka Soomaaliya in ay qorsheeyaan howlgalada wadajirka ah iyo xoojinta talisyada iyo qaab dhismeedka maamulka. ATMIS ku dhawaaqday in Ciidamada dowlada ay la wareegi karaan mas’uuliyadda amniga dalka was last modified: November 1st, 2022 by Warsan Radio 0 comment 0 Facebook Twitter Google + Pinterest previous post Madaxweyne Xasan Sheekh oo ka qeyb galaya Shir Madaxeedka 31aad ee dalalka Carabta next post Dhageyso;- Warka Duhurnnimo ee Idaacada Warsan You may also like Dhageyso:Warka Galab ee Idaacada Warsan 09/05/2020 SAWIRRO:XUBNAHA GOLAHA DEGAANKA DEGMADA BERDAALE OO SHAHAADOOYIN LA GUDOONSIYEY. 27/11/2022 Dhageyso:-Warka Duhur ee Idaacada Warsan 01/02/2022 Dhageyso:-Barnaamijka Kulanka Warsan 31/08/2021 MW Xasan Sheekh Oo Guddoomiye Cusub U Magacaabay Maxkamadda Sare Ee Ciidamada 12/10/2022 Tirada dadka ugu dhintey Soomaaliya Covid-19 oo 60 ruux gaartay 21/05/2020 Kenya oo sheegtay inay ka xun tahay go’aankii dowladda Soomaaliya 30/11/2020 Dowladda Soomaaliya oo War kasoo saartay weerar ka dhacay Sacuudiga 21/03/2021 Akhriro:-Munaasabadda Maalinta Caalamiga ah ee La-dagaallanka Musuq-maasuqa awgeed, ayaa Ergeyga QM wuxuu hoosta ka xariiqay muhiimadda ay leedahay in la xoojiyo sarreynta sharciga ee Soomaaliya 09/12/2018 Akhriso:-xubin sare ka tirsan Warbaahinta Al-Shabaab oo lagu qabtay howlgal 29/08/2019 Fariintada Nogu soo dir E-mail Adres warsanradiobidoa@gmail.com warsannews@yahoo.com Leave a Comment Cancel Reply Save my name, email, and website in this browser for the next time I comment.