Ruushka oo baajiyey kulan ay la yeelan lahaayeen Maraykanka oo ku saabsanaa heshiiska Nukliyeerka ee labada dal written by Warsan Radio 29/11/2022 Wasaaradda Arrimaha Debedda ee Maraykanka ayaa sheegtay in Ruushku uu dib u dhigay wada-hadalladii hubka nukliyeerka ee la filayey inuu la yeesho dalka Maraykanka, kuwaas oo la qorsheeyey inay ka dhacaan magaalada Qaahira ee dalka Masar. Maraykanka iyo Ruushka toonni wax faahfaahina kama bixinin sababta keentay dib u dhigista.Waxaa hore loo qorsheeyey in masuuliyiin ka kala socota Ruushka iyo Maraykanku inay ku kulmaan dalka Masar, inta u dhexeysa 29-ka bishan November illaa 6-da bisha December, si ay uga wada xaajoodaan in dib loo soo celiyo heshiiskii kormeerka iyo yaraynta hubka nukliyeerka ee ay wada galeen Maraykanka iyo Ruushku sannadkii 2011, kaas oo lagu magcaabo the New START, heshiiskan ayaa hakad galay bishii March ee sannadkii 2020, xilligii uu bilaabmay xanuunka COVID 19.“Ruushku wuxuu ku wargeliyey Maraykanka inay si iskood ah dib ugu dhigeen kulanka loo ballansanaa, iyaga oo sheegay inay soo sheegi doonaan taariikh cusub oo ay labada dhinac wada kulmi karaan” ayuu yidhi afhayeen u hadlay wasaaradda arrimaha debedda ee Maraykanka.Afhayeenka u hadlay dawladda Maraykanka ayaa sheegay inaanu bixin karin faahfaahin intaas ka badan, hase ahaatee wuxuu intaas sii raaciyey in Washington ay diyaar u tahay in labada dhinac ay kulmaan xilliga ugu horreeya ee ugu macquulsan, si loo soo celiyo korjoogtayntii hubka nukliyeerka, taas oo xuddun u ahayd heshiiska labada dhinac ay wada gaadheen.Heshiiska lagu magcaabo the New START ayaa dhaqan galay sannadkii 2011, waxaana ujeedadiisa ugu weyni ay tahay, in Ruushka iyo Maraykanku ay ka wada shaqeeyaan hoos u dhigista tirada hubka nukliyeerka iyo korjoogtayntiisaba, iyo weliba xaddidista tirade madaxyada hubka nukliyeerka ee labada dal ay daabuli karaan, iwm Ruushka oo baajiyey kulan ay la yeelan lahaayeen Maraykanka oo ku saabsanaa heshiiska Nukliyeerka ee labada dal was last modified: November 29th, 2022 by Warsan Radio 0 comment 0 Facebook Twitter Google + Pinterest previous post Talibanta Pakistan oo ku dhawaaqay weeraro ka dhan xukuumadda Pakistan next post Dhageyso:-Warka Subax ee Idaacada Warsan You may also like Safiirka Soomaaliya ee Kenya oo ka baxay Shir uu ku casuumay Madaxweynaha dalkaas 14/06/2022 Madaxweyne Farmaajo oo warqadaha Aqoonsiga Danjirenimo ka guddoomay Safiirka Cusub ee Itoobiya (Sawirro) 03/05/2021 Dhageyso: Warka Fiidnimo ee Idaacada Warsan 20/11/2022 Turkiga oo dib u bilaabay xiriirkii diblumaasiyadeed ee dalka Masar 12/03/2021 Golaha Ammaanka oo ka digey colaad hor leh oo ka dhacda Gobolka Tigray 03/07/2021 Akhriso:- Xildhibaanada Puntland 65 oo Rag ah iyo 1 dumar ah 31/12/2018 Midowga Yurub oo ku deeqay €17.2 milyan oo loogu taageerayo nidaamyada caafimaadka ee Soomaaliya, Suudaan iyo Koonfurta Suudaan 07/11/2020 Joe Biden oo markii ugu horeysay ka hadlay diidmada Trump ee guushiisa 11/11/2020 Madaxweyne Farmaajo oo maanta saxiixay Sharciga Baatroolka dalka 08/02/2020 Dhageyso;- Warka Galabnnimo ee Idaacada Warsan 10/09/2022 Fariintada Nogu soo dir E-mail Adres warsanradiobidoa@gmail.com warsannews@yahoo.com Leave a Comment Cancel Reply Save my name, email, and website in this browser for the next time I comment.