Qoysas ayaa ku baracakay magaalada Xuddur ee caasimadda gobolka Bakool, oo ay ka dhaceen fatahaadaha daadad ka dhashay roobab ka da’ay maalmihii la soo dhaafay, kuwaas oo guud ahaan Magaalada saameeyay.
Maamulka Degmada ayaa la sheegayaa ina kulan la qaateen Hay’adaha Samafalka si loogu gargaaro dadka barakacay. Mas’uuliyiinta ayaa sheegay in daadadka ay ka barakaceen in ka badan 1300 qoys.
Aadan Cabdi oo kamid ahaa Gilihii hore ee degaanka degmada Xudur hadana kamid ah waxgaradka degmadaas oo ayaa sheegay in roob lo baahnaa oo xilligiisa ku yimid degmada Xudur, balse saameyn xoogan ay ka dhalatay.
Wuxuu qiray inay jiraan dad badan oo ka barakacay daadadka ka dhashay Roobka, kuwaas oo aaday degaannada kale ee degmada si aysan waxyeelo uga soo gaarin daadadka Roobabka.