Dalka Jabuuti ayaa waxaaa xalay si rasmi ah loogu soo gaba gabeeyay Shir Madaxeedkii 14aad ee Urur Goboleedka IGAD
Madaxda Urur Goboleedka IGAD ayaa intii uu shirka Socday isla gartay Arimo dhowr ah oo ay ka mid ah sidii xal loogu heli lahaa colaada ka taagan dalka suudaan.
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hoggaaminayo ayaa ka qeyb gelay Shir.
Waxaana Meertadan 14-aad ee IGAD oo sannadkan diirradda lagu saaray arrimo muhiim ah oo ay ka mid yihiin nabadda, amniga iyo horumarka Gobolka iyadoo Madaxweyne Xasan sheikh iyo Wafdigiisa ay ku soo bandhigeen shirka doorka kaga aaddan dowladda Federaalka Soomaaliya iskaashiga dalalka ku bahoobay Ururu Goboleedka IGAD.
Hoggaamiyaasha dowladdaha xubnaha ka ah IGAD ayaa xoogga saaray xal u helidda dagaalka ka socda dalka Sudaan, mideynta dadaallada heer gobol ee ciribrirka waxa loogu yeero argagixisada, xoojinta isdhexgalka gobolka, nabadda, dhaqaalaha iyo horumarinta bulshada.
