Saraakiisha dalka Ukraine ayaa sheegay in 49 qof lagu dilay Duqeyn ay Milliteriga Raashiya maanta ka geysteen Tuullada Hroza oo ku taalla Gobalka Kharkiv ee W/Bari ee dalkaasi.Sawiro la soo dhigay Baraha Bulshada ayaa muujinayo maydad daadsan Tuullada la duqeeyey ee Hroza oo 50 KM u jirta Xuduudka Ukraine la wadaagto Raashiya.Qoraal uu Madaxweynaha dalka Ukraine, Volodymyr Zelenskyy soo dhigay Barta Telegram ayuu ku sheegay in Duqeynta lala beegsaday Bakhaar Cunto iyo Kafateeriyo.Dhanka kale, ugu yaraan 6 qof oo ay ku jirtay Gabar yar ayaa ku dhaawacmay Duqeyntaasi, halka Wiil 6 jir ah ka mid ahaa dadkii ku dhintay Duqeyntaasi.Si kastaba, Baaritaano Hordhac ah ayaa waxay muujinayaan in Gantaalka Iskander missile ay Milliteriga Raashiya u adeegsadeen Duqeynta lagu hoobtay ee maanta ka dhacday dalka Ukraine.
