Shirka Dardargalinta Amniga Dowlad Goboleedka Koonfur Galbeed oo maanta Shir Gudoominayey Taliyaha Booliska Dowlad Koonfur Galbeed Somalia G/ Sare Cabdi ibraahim Shaamow ( Abdi Dheere ) ayaa ka qabsoomay Magaalada Baydhabo ee Xarunta Gobolka Baay.Shirka ayaa waxaa ka qeyb galay Saraakiisha Gobalka Baay iyo Gudoomiyaha Maxkamada Ciidamada Qalabka Sida Ee Qeybta 60aad iyo Taliyaha Qeybta Gobolka Baay kan Dagmada Baydhabo iyo Hoggaanka Baarista Ee CID.Kulanka ayaa ahaa ujeedkiisa dardar galinta Wajiga 2-aad Ee dagaalka ka dhanka ah Al-Shabab oo uu dhawaan Daahfurey Madaxwayne Koonfur Galbeed in Ciidamada Booliska ay ka mid noqdaan sidii al Shabaab loogu xoreyn lahaa Gobalada Baay Bokool iyo Gobalka Sh/Hoose.Sidoo kale Taliyaha Booliska Dowlad Goboleedka Koonfur Galbeed Cabdi ibraahim Shaamow ( Abdi Dheere ) ayaa Farey Saraakiisha iyo Askarta in ay Heegan Buuxa ay Galaan oo ku aadan Dagaal ka dhanka ah Al-Shabaab.Degaannada Maamulka Koonfur Galbeed ayaa waxaa todobaadyadii la soo dhaafay ka socda diyaar garoow ku aadan ka qeyb galka wajiga labaad ee howlgallada ka dhanka ah Al-Shabaab, iyada oo la diyaariyay Ciidamo katirsan kuwa xoogga dalka iyo kuwa degaanka ee Macawiisleyda.
